گزشتہ 22 اپریل کو دہلی ایمبولینس سے لوٹے ایک نوجوان کے جانچ میں کورونا مثبت پایا گیا تھا۔ ان کے رابطے میں آئے 13 لوگوں میں سے چار افراد کی جانچ رپورٹ کورونا مثبت آئی ہے۔ باقی پانچوں افراد کی رپورٹ منفی آئی ہے۔ تو وہیں باقی چارافراد کی رپورٹ نہیں آئی ہے۔
اس سلسلے میں دربھنگہ کے کلکٹر نے کہا ہے کہ ابھی سبھی کرونا مثبت اور منفی اثرات والے مریضوں کو ڈی ایم سی ایچ کے آئسولیسن وارڈ میں منتقل کیا گیا ہے۔ جس کے بعد ان کا علاج کیا جا رہا ہے۔
غور طلب ہے کہ جن چار افراد کی رپورٹ مثبت آئی ہے ان میں کرونا وائرس کے کوئی بھی ظاہری اثرات رونما نہیں ہے۔ وہ سبھی صحت مند نظر آ رہے ہیں۔
ضلع انتظامیہ نے ان سبھی کے رہائشی علاقوں کو تین کلو میٹر کے دائرے میں سیل کر دیا ہے، محکمہ صحت کی ٹیم گھر گھر جا کر سبھی لوگوں کی اسکریننگ کر رہی ہے۔
