ریاست بہار کے سابق مرکزی وزیر ناگمنی اور اوپندر کشواہا ایک ہی برادری کے ہیں انکا اپنا اثر و رسوخ بھی ہے۔
وزیراعلٰی نتیش کمار نے سابق مرکزی وزیر اوپندر کشواہا کو جے ڈی یو میں شامل کرکے اس برادری کے ووٹ کو اپنے حق میں کرنے کی کوشش کی ہے۔
جبکہ کبھی جے ڈی یو میں رہے سابق مرکزی اور ریاستی وزیر ناگمنی بھی کشواہا برادری کی نمائندگی کرتے ہیں۔
انکا دعوٰی ہے کہ اوپندر کشواہا کے جے ڈی یو میں شامل ہونے سے اس برادری کے لوگ ناراض ہیں۔ انکے جے ڈی یو میں شامل ہونے سے نتیش کمار کو کوئی فائدہ نہیں ہوگا۔
ناگمنی نے کہا کہ اوپندر کشواہا کے ذریعہ نتیش کمار بی جے پی کے خلاف بیان بازی کرا رہے ہیں۔
اس سے کچھ حاصل نہیں ہو گا۔ بی جے پی ان چیزوں کو سمجھ رہی ہے۔ انہوں نے اوپندر کشواہا پر الزام عائد کرتے ہوئے کہا کہ جو اپنے سماج کا نہیں ہوا جو بی جے پی کا نہیں ہوا وہ نتیش کمار کے لیے کیا کرے گا۔
نتیش کمار کو بڑی غلط فہمی ہے کہ اوپندر کشواہا کو ہائی لائٹ کرکے کشواہا کا ووٹ حاصل کر لیں گے تو یہ نتیش کمار کا بچپنا ہے۔
ناگمنی نے دعوٰی کیا کہ کشواہا سماج کا بچہ بچہ اوپندر کشواہا سے ناراض ہے۔ بی جے پی بہت سمجھدار پارٹی ہے وہ جانتی ہے کہ اوپندر کشواہا کا کو اثر نہیں ہونے والا ہے۔