پر تشدد مظاہرہ اور احتجاج کے دوران پولیس پر جان لیوا حملہ کرنے کے معاملے میں ہائی کورٹ نے آج سابق رکن پارلیمان راجیش رنجن عرف پپو یادو کو پیشگی ضمانت دے دی۔
جسٹس چکر دھاری شرن سنگھ نے پپو یادو کی پیشگی ضمانت عرضی پر تمام فریقین کو سننے کے بعد فیصلہ دیا۔
واضح رہے کہ گزشتہ برس 21 دسمبر کو گردنی باغ میں پپو یادو نے اپنے سیںکڑوں حامیوں کے ساتھ مظاہرہ کیا تھا جس میں پولیس اہلکار شدید طور پر زخمی ہوئے تھے جبکہ اسی کے ساتھ عوام کو بھی پریشانیوں کا سامنا کرنا پڑا تھا۔
عدالت نے اس طرح کے معاملات میں مجموعی طور پر جرمانہ عائد کرنے کے لیے تمام ضلع مجسٹریٹ کو حلف نامہ دائر کرنے کی ہدایت دی ہے، اس معاملے میں دو مہینے بعد پھر سماعت ہوگی۔
