بہار میں کوسی، کملا اور کریہہ ندیوں کی آبی سطح میں اضافہ کی وجہ سے سمستی پور ضلع کے بتھان بلاک کے چار پنچایتوں کے بیس گاﺅں کے نشیبی علاقوں میں سیلاب کا پانی داخل ہوگیا ہے۔
سرکاری ذرائع نے بتایا کہ آبی سطح میں اضافہ سے بتھان بلاک کے بیلسنڈی، نرپا، سلہا بزرگ اور سلہا چندن پنچایت کے قریب بیس گاﺅں سیلاب سے متاثر ہوگئے ہیں۔
ان گاﺅں کی لگ بھگ پچاس ہزار کی آبادی سیلاب کی زد میں آگئی ہے۔ کھیتوں میں لگی فصلیں پانی میں ڈوب گئی ہیں۔ سیلاب کی وجہ سے لوگ اپنے مویشیوں کے ساتھ محفوظ مقامات پر نقل مکانی کر رہے ہیں۔
ضلع انتظامیہ کے ذریعہ سیلاب سے متاثرہ لوگوں کو محفوظ مقامات تک پہنچانے کیلئے کشیتوں کا نظم کیا گیا ہے۔
