ریاست بہار کے قومی شاہراہ پر پسولی پٹرول پمپ کے قریب شارٹ سرکٹ سے کار میں آگ لگ جانے سے کار میں سوار تین لوگوں میں ایک شخص معمولی طور پر جھلس گیا۔ وہیں دو لوگ محفوظ ہیں۔ تاہم کار جل کر پوری طرح سے خاک ہو گٸ۔ کار میں رکھے اہم کاغزات بھی جل کر خاک ہو گئے۔ کار پر سوار تینوں لوگ دہلی سے بہار کے اورنگ آباد جا رہے تھے تبھی قومی شاہراہ پر پسولی پٹرول پمپ کے پاس حادثہ کا شکار ہو گئے۔
کہا جاتا ہے کہ لیومینس کمپنی کا عملہ دہلی سے سوار ہو کر بہار کے اورنگ آباد جارہا تھا، تبھی یہ حادثہ قومی شاہراہ پر کدرا پیٹرول پمپ کے قریب پیش آیا۔
دہلی کے بزنس مین وکاس چوہان کا کہنا ہے کہ 'ہم لوگ لیومینس کمپنی کی بیٹریاں تقسیم کرنے کا کام کرتے ہیں۔ کورونا کی وجہ سے ہم دہلی سے تین لوگ اپنی گاڑی میں اورنگ آباد کے لئے روانہ ہوئے۔ پسولی پٹرول پمپ این ایچ 2 کے قریب، جب گاڑی کی لائٹ آن کرنے کے لئے سوئچ آن کیا گیا تبھی ایک تیز آواز آئی اور پھر کار میں دھواں پھیل گیا۔ ہم تینوں کار سے باہر نکل گئے۔ لیکن کار میں ضروری کاغذات اور رقم نکالتے وقت، ایک شخص معمولی جھلس گیا جبکہ دیگر دو افراد محفوظ ہیں۔
