گوپال گنج میں روپنیچھاپ گاؤں میں آر جے ڈی حامی قتل معاملہ میں بہار کے وزیر رام سیوک سنگھ و دیگر افراد کے خلاف ہتھوعہ پولیس نے مقدمہ درج کیا۔
بہار میں وزیر کے خلاف قتل کا مقدمہ درج
اطلاعات کے مطابق اسی گاؤں کے جئے بہادر سنگھ کا مبینہ طور پر کچھ نامعلوم شرپسندوں نے گذشتہ جمعہ قتل کیا تھا جبکہ آج مقتول کے رشتہ دار دھریندر سنگھ نے میرگنج پولیس میں شکایت درج کروائی اور الزام عائد کیا کہ اس کے نانا کو رام سیوک سنگھ نے دھمکی دی تھی۔
دھریندر سنگھ نے کہا کہ مقامی رکن اسمبلی و ریاستی وزیر نے میرے نانا کو دھمکی دی تھی اور ان کے حق میں ووٹ دینے کےلیے دباؤ ڈالا تھا لیکن میرے نانا نے ان کے حق میں ووٹ ڈالنے سے انکار کردیا تھا جس کے بعد رام سیوک سنگھ، شریرم سنگھ، بلارام سنگھ اور بھگوان سنگھ نے بہادر سنگھ کا قتل کردیا۔
ادھر پولیس نے وزیر کے خلاف مقدمہ درج کرکے تحقیقات کا آغاز کردیا۔
