گذشتہ ماہ 14 جون اتوار کوخودکشی کرکے موت کو گلے لگانے والے بالی وڈ اداکار سوشانت سنگھ راجپوت کی آخری فلم 'دل بیچارہ' ڈزنی پلس ہاٹ سٹار پرریلیز کر دی گئی۔
بہار کے سہرسہ میں بالی وڈ کے معروف اداکار رہے سشانت سنگھ راجپوت کی موت کے قریب ڈیڑھ ماہ بعد ان کی آخری فلم دل بیچارا ریلیز ہوگئی۔ جسے دیکھ کر اہل خانہ جذباتی ہوگئے۔
فلم ریلیز ہونے کے بعد سشانت کے بڑے بھائی اور بی جے پی رکن اسمبلی نیرج کمار ببلو نے بھی اہل خانہ کے ساتھ فلم دیکھی اور لوگوں کو بھی سشانت کے خراج تحسین کے طور پر فلم دیکھنے کی اپیل کی۔
خیال رہے کہ اداکار سوشانت سنگھ راجپوت نے 14 جون کو ممبئی کے باندرا میں واقع اپنے اپارٹمنٹ میں پھانسی لگا کر خودکشی کر لی تھی، جس کی جانکاری اداکار کے نوکر نے پولیس کو فون کال کرکے دی تھی۔
خیال رہے کہ فلم دل بیچارہ ہالی وڈ فلم 'دی فالٹ ان آر سٹار' کا ہندی ریمیک ہے، اس فلم میں سوشانت کے ہمراہ سنجنا سانگھی مرکزی کردار ادا کررہی ہیں، سنجنا نے اس فلم کے ساتھ بالی وڈ میں بطور مرکزی کردار اپنا ڈیبیو کیا ہے اس سے قبل سنجنا سانگھی پہلے راک سٹار اور ہندی میڈیم جیسی فلموں میں چھوٹے کرداروں میں نظر آچکی ہیں-
فلم دل بیچارہ میں کیزی (سنجنا سانگھی) اور مینی (سوشانت سنگھ راجپوت) کی کہانی دکھائی گئی ہے سوشانت اور سنجنا کی کیمسٹری کو بڑے شاندار طریقے سے دکھایا گیا ہے موذی مرض کینسر میں مبتلا کیزی مینی کی محبت میں گرفتار ہوجاتی ہیں ٹریلر کے ہر سین میں جذبات دکھائے گئے ہیں ہے جو دل کو چھو جاتے ہیں۔
فلم دل بے چارہ کے ڈائریکٹر مکیش چھابڑا ہیں جو بطور ڈائریکٹر اُن کی پہلی فلم ہے۔
واضح رہے کہ فلم 'دل بیچارہ' پہلے مئی میں ریلیز ہونے جا رہی تھی، لیکن کورونا وائرس کی وجہ سے تاخیر کا شکار ہو گئی تھی۔
