Lalu Yadav لالو پرساد یادو علاج کے لئے ستمبر میں سنگاپور جائیں گے

آر جے ڈی سربراہ اور سابق وزیر اعلیٰ لالو پرساد یادو کو گردے کی شدید بیماری ہے، انہیں علاج کے لیے سنگاپور لے جایا جائے گا، ذرائع کے مطابق خاندان کے تمام افراد میں اس بات کو لیکر اتفاق ہو گیا ہے. اگر سب کچھ ٹھیک رہا تو انہیں ستمبر میں سنگاپور لے جایا جا سکتا ہے، سی بی آئی عدالت نے انہیں پہلے ہی سنگاپور جانے کے لیے پاسپورٹ کی تجدید کی اجازت دے دی ہے. گزشتہ 3 جولائی کو رابڑی دیوی کی رہائش گاہ پر گرنے کے بعد ان کی طبعیت بگڑ گئی تھی، 4 جولائی کو انہیں پٹنہ کے پارس اسپتال میں داخل کرایا گیا تھا، اور پھر بہتر علاج کے لئے انہیں 7 جولائی کو ائیر ایمبولینس کے ذریعہ دہلی ایمس لے جایا گیا تھا. ex bihar cm lalu pradad yadav to soon to visit singapore

بہار كے نائب وزیر اعلیٰ تیجسوی یادو نے اس سلسلے میں سنگاپور میں گردے كے كئی ماہی ڈاكٹرز سے بات چیت كی ہے اور ان کے تجربات کی جانکاری لی ہے تاكہ سب كچھ منصوبے كے مطابق ہو سكے ۔ex bihar cm lalu pradad yadav to soon to visit singapore for kidney transplant

تیجسوی یادو سنگاپور کے ڈاکٹر سے مسلسل رابطے میں ہے. لالو یادو کو گردے کی بیماری کے ساتھ شوگر اور دل کی بیماری بھی ہے.وہ بارہ سے زائد بیماریوں میں مبتلا ہیں، لالو پرساد کے گردے کی حالت اتنی خراب نہیں ہے کہ انہیں ڈائیلاسز کرانا پڑے، مگر لالو یادو سنگاپور میں گردے کی پیوندکاری کرانا چاہتے ہیں کیونکہ وہاں کامیابی کا تناسب اچھا ہے.

رپورٹ کے مطابق اگر کسی ڈونر سے گردے کی پیوندکاری(kidney transplant) کی جائے تو اس کی کامیابی کی شرح 98.11 فیصد ہے جبکہ فوت شدہ عطیہ دہندہ سے گردے کی پیوندکاری کی جائے تو اس کی کامیابی کی شرح 94.88 فیصد ہے، اس وقت ہندوستان میں گردے کی پیوندکاری (kidney transplant)کی کامیابی کی فیصد 90 فیصد ہے۔ وہاں کڈنی ٹرانسپلانٹ کا ضابطہ بھی ہندوستان کے ضابطے سے مختلف ہے. وہیں لالو یادو کی دوسری بیٹی روہنی آچاریہ بھی اپنے شوہر کے ساتھ سنگاپور میں رہتی ہیں، قیاس ہے کہ اسی وجہ سے لالو یادو سنگاپور میں ہی علاج کرانا چاہتے ہیں.