بہار کے ضلع گیا میں ضلع انتظامیہ کی جانب سے کورونا ویکسینیشن سے متعلق ایک حکم جاری کیا گیا ہے۔ اس میں کہا گیا ہے کہ ہیلتھ ورکرز اور فرنٹ لائن ورکرز کو کورونا ویکسین کی دوسری خوراک لینے کی سرٹیفکیٹ جمع کرانے کے بعد ہی تنخواہ دی جائے گی۔
اطلاعات کے مطابق ضلع انتظامیہ نے یہ فرمان اس بنیاد پر جاری کیا ہے کہ فرنٹ لائن ورکرز ویکسین کی پہلی خوراک لینے کے بعد دوسری خوراک لینے میں دلچسپی ظاہر نہیں کر رہے ہیں۔
وہیں، گیا میں مختلف ہیلتھ ورکرز اور فرنٹ لائن ورکرز ایسے بھی ہیں، جن کو ویکسین کی پہلی خوراک لینے کی سرٹیفکیٹ جمع کرنے کے بعد مارچ ماہ کی تنخواہ دی گئی۔
ضلع انتظامیہ نے پہلے ہی ہدایت دی تھی کہ ضلع کے فرنٹ لائن ورکرز اور محکمہ صحت کے ورکرز کو کورونا ویکسین کی پہلی خوراک لینے کے بعد دوسری خوراک لینا لازمی ہے۔ اور مارچ ماہ کا تنخواہ دوسری خوراک لینے کے سرٹیفکیٹ پیش کرنے کے بعد ہی ادا کی جائے گی۔ بہت سے ورکرز ایسے ہیں جو دوسری خوراک لینے میں دلچسپی نہیں لے رہے ہیں۔ اس کے پیش نظر ضلع کلکٹر سمن کمار نے یہ حکم جاری کیا ہے۔
