گوپال گنج: صحافی پر فائرنگ

مانجھا بازار میں بدمعاشوں نے ایک صحافی گولی ماردی، جس میں صحافی شدید طور سے زخمی ہوگیا ہے۔اس حادثہ کے بعدعلاقے میں دہشت پھیل گئی ہے۔

گوپال گنج کے مانجھا تھانہ میں واقع مانجھا بازار کے پاس بدمعاشوں نے ایک ہندی اخبار کے صحافی کو گولی مار کر شدید طور پر زخمی کردیا ہے۔ اس واقعہ کے بعد علاقہ میں دہشت کا ماحول ہے۔صحافی کی حالت نازک بتائی جارہی ہے۔

زخمی صحافی کو علاج کے لیے گورکھپور ریفر کیا گیا ہے۔

اطلاعات کے مطابق ہندی اخبار 'دینیک جاگرن' کے صحافی راجن پانڈے آج صبح وہ نیوز کے لیے گھر سے نکلے دوسرے علاقے میں جارہے تھے، تبھی پرانے بازار کے پاس تین موٹر سائیکل سوار بدمعاشوں نے گولی مار دی۔ گولی صحافی کے پیٹ میں لگی، جس کے بعد لگاتار پیٹ سے خون بہہ رہا تھا۔

بتایا جارہا ہے کہ گولی آر پار ہوگئی ہے۔ وہیں مقامی لوگوں نے انہیں زخمی حالت میں پی ایچ سی میں داخل کریا، جہاں سے ڈاکٹرز نے صدر ہسپتال اور صدر ہسپتال سے انہیں گورکھپور ریفرر کردیا گیا۔

اس کی اطلاع موصول ہوتے ہی موقع پہنچی پولیس نے معاملے کی جانچ شروع کردی ہے۔ بدمعاشوں کی گرفتاری کے لیے چھاپہ ماری شروع کردی گئی ہے، اطلاعات کے مطابق 2 افراد کو گرفتار بھی کرلیا گیا ہے۔