ریاست بہار کے ضلع دربھنگہ کو مکمل طور پر سیلاب متاثرہ علاقے کے طور پر اعلان کرنے کے مطالبہ کو لے کر بھاکپا مالے اور سی پی آئی ایم کے کارکنان نے دربھنگہ ضلع کلکٹر دفتر کے سامنے انسانی زنجیر بناکر احتجاج کیا اور حکومت کے خلاف نعرے بازی بھی کی۔
اس موقع پر انسانی زنجیر کی قیادت کر رہے بھاکپا مالے کے رہنما و انصاف منچ کے نائب صدر نیاز احمد نے کہا کہ 'بھاکپا مالے کے کارکنان دربھنگہ ضلع کو سیلاب متاثرہ علاقے کے طور پر اعلان کرنے کے مطالبے کو لے کر انسانی زنجیر بناکر احتجاج کر رہے ہیں۔
انہوں نے کہا کہ 'سوساسن بابو کی حکومت صرف اعلان کرتی ہے لیکن غریب عوام پریشان ہیں انہیں کسی طرح کی سرکاری مدد مہیا نہیں کراتی ۔
وہیں اس موقع پر سی پی آئی ایم کے ریاستی سکریٹری للن چودھری نے کہا کہ 'دربھنگہ ضلع کو سیلاب متاثرہ علاقے کے طور پر اعلان کرکے تمام سیلاب متاثرہ افراد کو جلد از مدد مہیا کرایا جائے۔
اس دوران للن چودھری نے ضلع انتظامیہ پر الزام لگایا کہ ضلع انتظامیہ سیلاب آنے سے پہلے تیاری نہیں کی، ندی کی باندھوں کی مرمت نہیں کرائی، اگر وقت رہتے سیلاب سے بچاؤ کے لئے ضلع انتظامیہ کام کرتی تو یہ تباہی نہیں آتی ۔
انہوں نے کہا کہ 'ضلع انتظامیہ جب تک دربھنگہ ضلع کو سیلاب متاثرہ علاقے کا اعلان نہیں کرے گی تب تک ہم لوگوں کا مظاہرہ جاری رہے گا۔
