وزیر اعلیٰ نتیش کمار اپنے نجی معاون ہردیو سنگھ کے بیٹے کے دعوت ولیمہ کی تقریب میں شریک ہوئے۔ وزیر اعلیٰ کی آمد کے موقع پر سکیورٹی کے سخت انتظامات کیے گئے ۔
ضلع پولیس کے اعلیٰ حکام سمیت انتظامیہ کے افسران حفاظتی بندوبست میں لگے تھے۔
اپنے نجی اسسٹنٹ ہردیو سنگھ کے بیٹے کے دعوت ولیمہ کی تقریب میں شرکت کے لیے پہنچے وزیر اعلیٰ نتیش کمار نے بھیڑ قریب آتے دیکھ کر کہا کہ ' سوشل ڈسٹنسنگ کا خیال رکھیں' نتیش کمار نے کورونا پروٹوکول کا خیال رکھتے ہوئے خود بھی ماسک لگائے ہوئے تھے اور ان کے قریب جانے والوں کو بھی بغیر ماسک کے جانے کی اجازت نہیں تھی، نتیش کمار نے پارٹی کے کارکنان اور رہنماؤں کے ذریعے پیش کیے جارہے شال اور گلدستے کو بھی کورونا کا حوالہ دیتے ہوئے روک دیا ۔
واضح رہے کہ نتیش کمار بہار اسمبلی انتخابات کے نتائج کے بعد پہلی مرتبہ گیا پہنچے تھے۔ جس کی وجہ سے جے ڈی یو کے رہنماؤں نے ان کا شاندار استقبال کیا۔
