بہار کے چھپرا ضلع کے ڈوری گنج تھانہ علاقے سے جو ویڈیو سامنے آئی ہے اسے دیکھ کر ہر کوئی حیرت زدہ ہوجائے گا۔ واقعہ یہ ہے کہ گنگا ندی میں ایک کشتی لوگوں کو لے کر جارہی تھی کہ تبھی بیچ ندی میں دیکھتے ہی دیکھتے اچانک ڈوب گئی۔
اس بارے میں بتایا گیا ہے کہ تیز آندھی اور طوفان کی وجہ سے یہ حادثہ پیش آیا ہے۔
بالو (ریت) سے بھری کشتی گنگا میں ڈوبی
بالو (ریت) سے بھری کشتی بیچ گنگا میں اچانک ڈوبنے لگی اور اس پر سوار سبھی لوگوں نے کسی طرح ندی میں چلانگ لگا کر اپنی جان بچائی۔ یہ حادثہ چھپرا ضلع کے ڈوری گنج گھاٹ کا ہے۔
چشم دیدوں کے مطابق یہ کشتی آرہ کے ہلدی چھپرا گھاٹ سے ڈوری گنج کے مہرولی گھاٹ کی طرف آرہی تھی۔ کشتی بیچ گنگا ندی میں پہنچی ہی تھی کہ تبھی تیز آندھی اور طوفان آگیا جس سے لوگ اپنی جان بچانے کے لئے کشتی سے کود گئے۔
بتایا جارہا ہے کہ حادثے میں کسی کی جان نہیں گئی ہے۔
