مگدھ کمشنری کے کمشنر پنکج کمار پال اور ڈسٹرکٹ مجسٹرٹ ابھیشیک سنگھ نے سول سرجن ڈاکٹر راجندر پرساد کے ساتھ آج انوگرہ نارائن مگدھ میڈیکل کالج کا جائزہ لیا۔
اس دوران انہوں نے آئی سی یو بھرتی بچوں کے علاج کے متعلق چمکی بخار کے ماہر ڈاکٹر روندر کمار سے جانکاری حاصل کی۔
روندر کمار نے بتایا کہ اگر کسی بچے کو ایک سو تین ڈگری بخار ہو جاتا ہے تو اسے فوراً قریب کے ہیلتھ سنٹر لے جانا چاہیے کیونکہ میڈیکل کالج لانے میں وقت زیادہ لگتا ہے اور اس سے بچے کی حالت مزید خراب ہوجاتی ہے۔
کمشنر پنکج کمار پال نے میڈیا سے بات کرتے ہوئے بتایا کہ اب تک انوگرہ نارائن مگدھ میڈیکل کالج میں جے ای کے چوبیس معاملے سامنے آئے ہیں۔
ان میں چھ بچوں کی موت ہوئی ہے جبکہ تین بچوں کو علاج کے بعد ڈسچارج کردیا گیا۔ باقی بچوں کا علاج اب بھی جاری ہے۔
