ریاست بہار کے ضلع بھاگلپور میں سی اے اے، این آرسی اور این پی آر کے خلاف مسلسل احتجاجی مظاہرے جاری ہے۔
اسی درمیان اسبملی انتخاباتے کے نتائج اور عام آدمی پارٹی کی بڑی کامیابی کو لوگ بی جے پی کے نفرت انگیز سیاست کی شکست کے طور پر دیکھ رہے ہیں۔
بھاگلپور کے لوگوں کا ماننا ہے کہ دہلی میں عام آدمی پارٹی کی جیت ہندو مسلم بھائی چارہ کی جیت ہے۔
یہاں کے بیشتر لوگوں کا ماننا ہے کہ شاہین باغ احتجاج کے نام پر بی جے پی نے جس طرح ہندو- مسلمانوں کے درمیان تفریق پیدا کرنے کے لیے زہر افشانی کی اس لو دہلی کی عوام نے سرے سے خارج کر دیا اور یہ ثابت کر دیا کہ یہاں کے لوگ نفرت کی سیاست کو زیادہ اہمیت نہیں دیتے بلکہ وہ امن و چین، بھائی چارہ اور روزگار، ترقی اور اس طرح کے مسائل پر زیادہ توجہ دینے والی حکومت کو اقتدار میں دیکھنا چاہتے ہیں۔
بھاگلپور کے لوگوں کا ماننا ہے کہ شہریت ترمیمی قانون بنانا اور کروڑوں لوگوں کے اس کے خلاف احتجاج کے باوجود اپنے فیصلہ پر ڈٹے رہنا اور قومی یکجہتی اور ترقیاتی کاموں کو لے کر اپنا رزلٹ کارڈ عوام کے سامنے رکھنے کے بجائے عوام کو فرقہ وارانہ بنیاد پر مشتعل کرنا اور خود مودی حکومت میں وزرا کے نازیبا اور اشتعال انگیز بیانات کا جواب عوام نے بی جی پی کو کراری شکست کی شکل میں دی ہے۔
واضح رہے کہ دہلی انتخابات کے نتائج میں اروند کیجریوال کو زبردست کامیابی حاصل ہوئی ہے۔ اور ایگزٹ پول کےعین مطابق بی جے پی کو ہار کا منہ دیکھنا پڑا ہے۔ جس سے شہریت ترمیمی قانون کے خلاف ملک گیر احتجاج کرنے والوں کو لگتا ہےکہ اب بی جے پی بیک فٹ پر آئے گی اور اپنے ہندو راشٹر والے ایجنڈے پر از سر نو غور کرنے پر مجبور ہوگی۔
