ضلع گیا میں بدھ پورنیما کا تین روزہ اجلاس ہفتے کے روز مکمل ہوگیا۔ اس موقع پر ایک کانفرنس کا انعقاد بھی کیا گیا۔ کانفرنس میں ملک کے مختلف علاقوں سے آئے عقیدت مندوں نے شرکت کی۔
بدھ پورنیما کے موقعے پر متعدد پروگرام کا انعقاد
سارناتھ سے آئے پروفیسر ناونگ نیگی نے عقیدت مندوں سے خطاب کرتے ہوئے کہا کہ بودھ مذہب امن کا مذہب ہے اور اس میں کسی کے ساتھ امتیازی سلوک کی کوئی گنجائش نہیں ہے۔
کانفرنس میں اسلام کی نمائندگی اے ایچ خان نے کی۔ اپنے خطاب میں اے ایچ خان نے کہا کہ تمام مذاہب کے بنیادی اصول ایک ہی ہیں لیکن عوام کے سامنے ان کی ترجمانی غلط ڈھنگ سے کی جارہی ہے۔
اس موقع پر مہا بودھی مندر کے احاطے میں کینڈل لائٹ مارچ کا اہتمام بھی کیا گیا۔
