پٹنہ: بی جے پی ڈیڑھ لاکھ کارکنوں کو کورونا سے متعلق تربیت دے گی

بی جے پی کے سینئر ریاستی نائب صدر نتیش مشرا نے کہا کہ 'کورونا سے ابھی ہمیں پوری طرح چھٹکارا نہیں ملا ہے، باوجود اس کے لوگ لاپرواہی دکھا رہے ہیں اور اپنی جان جوکھم میں ڈال رہے ہیں۔

بی جے پی کے سینئر ریاستی نائب صدر نتیش مشرا نے ریاستی دفتر میں پریس کانفرنس منعقد کر صحافیوں کو بتایا کہ 'حکومت آنے والے تیسری لہر کے لئے بالکل تیار ہے، اس کے لئے بی جے پی اپنے ڈیڑھ لاکھ کارکنان کو تربیتی کیمپ لگا کر اس ضمن میں ان کی تربیت کرے گی کہ کورونا لہر میں کس طرح لوگوں کی مدد کی جائے۔'

یہ تربیتی کیمپ 16 اگست سے پٹنہ کے مختلف مراکز میں شروع ہوگا۔ اس کیمپ میں بطور خاص ڈاکٹروں کی ٹیم موجود ہوگی جو کارکنان کو تربیت دیں گے کہ کس طرح اپنی حفاظت رکھتے ہوئے دوسروں کی مدد کریں۔

نتیش مشرا نے کہا کہ 'کورونا سے ابھی ہمیں پوری طرح چھٹکارا نہیں ملا ہے، باوجود اس کے لوگ لاپرواہی دکھا رہے ہیں اور اپنی جان جوکھم میں ڈال رہے ہیں۔ ہماری پارٹی نے اس تحریک کا آغاز کیا ہے کہ بہار کے تمام اضلاع میں تربیت یافتہ کارکنان گھوم گھوم کر لوگوں کو بیدار کریں گے اور ان سے کورونا ٹیکہ لینے کی اپیل کریں گے۔'

نتیش مشرا نے کہا کہ 'ابھی بھی کئی صدور علاقوں میں لوگوں نے کورونا کا ٹیکہ نہیں لیا ہے۔ ایسے لوگوں کا ذہن صاف کر بیدار کرنے کی ضرورت ہے۔'

نتیش مشرا نے مزید کہا کہ 'ہماری پارٹی ریاست میں پہلی پارٹی ہوگی جو اتنے بڑے پیمانے پر اپنے کارکنوں کو تربیت دلا کر کورونا مدت میں عوام کی خدمت کے لئے بھیجے گی۔ یہ ابھی آغاز ہے، اس تحریک کو ہم لوگ قومی سطح پر بھی لے جائیں گے۔'