بہار: موسم تغیر پذیر، درجہ حرارت میں مزید کمی کا امکان

ہمالیہ کی وادیوں میں ہورہی برفباری اور تیز سرد ہواؤں کی گرفت میں پورا بہار آگیا ہے اور آئندہ دو سے تین دنوں میں درجہ حرارت میں مزید کمی ہونے کا امکان ہے جس کے بعد محکمہ موسمیات نے الرٹ جاری کیا ہے۔

ریاست بہار کے دارالحکومت پٹنہ کا درجہ حرارت کم سے کم 4.6 ڈگری ریکارڈ کیا گیا ہے جبکہ گیا ریاست کا سب سے سرد علاقہ رہا جہاں کا درجہ حرارت 3.2 ریکارڈ کیا گیا۔

محکمہ موسمیات نے پوری ریاست میں دو روز کے لیے الرٹ جاری کیا ہے۔محکمہ موسمیات کی جانب سے کہا گیا کہ آئندہ دو روز میں ریاست کے متعدد علاقوں میں سرد ہوائیں چل سکتی ہیں جس سے درجہ حرارت میں کمی ہوگی۔محکمہ موسمیات نے تمام سرکاری ایجنسیوں کو ضروری اقدامات کے لیے ہدایت جاری کردی ہیں اس کے علاوہ لوگوں کو آگاہ کیا گیا ہے کہ موسم میں تبدیلی کے باعث اختیاط کریں۔

اس معاملے میں پٹنہ محکمہ موسمیات کے ڈائریکٹر آنند شنکر نے ای ٹی وی بھارت کو بتایا کہ 'بہار کے بیشتر علاقوں میں درجہ حرارت 5 ڈگری تک پہنچ گیا ہے جس میں پٹنہ میں 4.6 اور گیا میں 3.2 ڈگری ریکارڈ کیا گیا۔
انہوں نے کہا کہ آئندہ دنوں میں درجہ حرارت میں مزید کمی واقع ہوگی جبکہ بارش ہونے کے امکانات بھی ہیں۔