سڑک حادثے میں دو نوجوان ہلاک

بہار میں ضلع نوادہ کے سردلا تھانہ علاقے کے رجولی۔گیا شاہراہ پر ٹینک لاری اور موٹر سائیکل کی ٹکر کے سبب دو نوجوانوں کی موت ہوگئی۔

پولیس ذرائع نے آج یہاں بتایا کہ موٹر سائیکل سوار دو نوجوان کل رات کہیں جارہے تھے تبھی رجولی۔گیا شاہراہ پر سڑک کنارے کھڑے ٹینک لاری اور موٹر سائیکل کی ٹکر ہوگئی۔ اس حادثے میں دونوں نوجوانوں کی موقع پر ہی موت ہوگئی۔

ذرائع نے بتایا کہ ایک نوجوان کے پاس سے ایک آدھار کارڈ ملا ہے، جس کی بنیاد پر اس کی شناخت ضلع گیا کے فتح پور تھانہ علاقے کے الاور پور گاؤں کے چھوٹوں کمار کے طور پر کی گئی۔ دوسرے نوجوان کی شناخت نہیں ہوپائی ہے ۔ لاشیں پوسٹ مارٹم کے لئے بھیج دی گئی ہیں۔