ضلع سطح سے لیکر بلاک سطح پر اس کی تیاریاں بھی زوروں پر ہے۔ کوچادھامن جیویکا بلاک پروجیکٹ مینیجر نکی سیٹھیا کے مطابق جیویکا پروجیکٹ سے اب تک 9 لاکھ غریب خاندان جڑ چکے ہیں۔
انہوں نے مزید کہا کہ اس پروجیکٹ کے تحت ہم غریب خواتین کو گروپ میں جوڑکر 10 روپیہ ہفتہ بچت کراتے ہیں اور پھر ان کی ضرورت کے حساب سے انہیں لون دستیاب کراتے ہیں جس سے ان کی ضروریات پوری ہو جاتی ہیں اور انہیں لون کے بدلے بہت سارا سود بھی نہیں چکانا ہوتا ہے۔
نکی سیٹھیا نے مزید کہا کہ جن جیویکا دیدیوں کا راشن کارڈ نہیں بنا ہے انہیں فڈ سیکورٹی فنڈ کے تحت مالی مدد پہنچائی جاتی ہے. ساتھ ہی سروے کے ذریعہ یہ پتہ لگانے کی کوشش کی جاتی ہے کن کن دیدیوں کا اب تک راشن کارڈ نہیں بنا ہے۔جن کا راشن کارڈ نہیں بنا ہے ان کا فوراً راشن کارڈ بنایا جاتا ہے.
کوچادھامن کی بات کی جائے تو یہاں 3600 دیدیاں ایسی ہیں جن کے پاس راشن کارڈ نہیں ان کے راشن کارڈ بنانے کا عمل جاری ہے۔
نکی سیٹھیا نے یہ بھی کہا کہ جو دیدیاں ابھی تک نہیں جڑی ہیں انہیں جوڑنے کی مسلسل کوشش کی جاری ہے.
غور طلب ہے کہ ابھی حال ہی میں بہار کے وزیر اعلیٰ نتیش کمار نے اعلان کیا تھا کہ جیویکا سے جڑی دیدیوں کو بھی کورونا امدادی رقم دی جائے اور انہیں بھی راشن مہیا کرائی جائے گی. اسی حکم کے تحت ضلع سے لیکر بلاک تک سبھی جیویکا پروجیکٹ مینجر حرکت میں آ گئے ہیں اور سبھی ضرورت مند خواتین کو اس مہم کے ساتھ جوڑ رہے ہیں۔
