اتوار کے روز وارانسی سے این ڈی آر ایف کی دو ٹیمیں بہار میں سیلاب متاثرین کی مدد کے لیے روانہ کی گئیں، ایک ٹیم کو سمستی پور ضلع روانہ کیا گیا اور دوسری ٹیم کو ضلع ویشالی بھیجا گیا ہے۔
این ڈی آر ایف کے کمانڈنٹ وجئے سنہا نے بتایا کہ ریاست بہار میں سیلاب سے نمٹنے کے لیے این ڈی آر ایف کی 23 ٹیمیں 14 سیلاب متاثرہ اضلاع میں کام کر رہی ہیں۔
بہار میں 10 ہزار سیلاب متاثرین کو کیا گیا ریسکیو
انہوں نے مزید بتایا کہ ریاست کے مختلف حصوں سے ریسکیو آپریشن چلاکر اب تک 10 ہزار سے زائد سیلاب میں پھنسے افراد کو بچایا کر انہیں محفوظ مقامات پر منتقل کیا گیا ہے۔
کمانڈنٹ کا یہ بھی کہنا ہے کہ کورونا وائرس انفیکشن کے سبب تمام ریسکیو ٹیموں کے اہلکاروں کو پی پی ای کٹ ماسک سینیٹائزر اور دیگر حفاظتی اشیأ حکومت کی جانب سے فراہم کی گئی ہے۔
