ریاستی بجٹ سے بہت ساری امیدیں وابستہ ہیں۔ بجٹ اجلاس کے دوران وزیر خزانہ و نائب وزیراعلی تارکیشور پرساد آئندہ 24 فروری کو بجٹ پیش کریں گے۔
بہار کا بجٹ گاوں غریب اور مزدوروں کے لئے ہو گا.
ریاست بہار کے وزیر صحت منگل پانڈے نے دعویٰ کیا ہے کہ بہار کا بجٹ گاؤں کے غریب اور مزدوروں کا بجٹ ہوگا۔ انہوں نے کہا کہ بہار میں بہتر طبی خدمات مہیا کرانا ہماری ترجیحات میں شامل ہے۔ طبی ملازمین کی بحالیاں بڑے پیمانے پر کی جائیں گی۔ دیہی علاقوں میں بنیادی سہولیات کی فراہمی کو یقینی بنانے کی ہرممکن کوشش کی جائے گی۔ انہوں نے کہا کہ کرونا کی وجہ سے لوگوں میں صحت کے متعلق بیداری آئی ہے جو ریاست اور ملک کے لیے اچھی بات ہے۔
