بہار کے اپوزیشن پارٹی راشٹریہ جنتادل نے بہار اسمبلی انتخابات 2020 کے لئے کمر کس لی ہے ۔
بتایا جا رہا ہے کہ راشٹریہ جنتادل بہار اسمبلی الیکشن کی تیاریوں میں جٹ گئی ہے
اطلاع کے مطابق بدھ کو گیا ضلع آرجے ڈی کی میٹنگ ہوئی۔ جس میں ضلع کے آرجے ڈی کے تمام ممبر اسمبلی سمیت آرجے ڈی کی مگدھ انچارج کانتی سنگھ شامل ہوئیں۔
میٹنگ میں بوتھ سطح کی تیاریوں کا جائزہ لیا گیا اور ممبرسازی مہم پر مزید زور دیا گیا کہ ضلع کے ہر بوتھ پر راشٹریہ جنتا دل کا کم از کم سو کارکن ہو۔
میٹنگ میں سنیئر لیڈران نے کہا کہ 'جس طرح لوک سبھا انتخابات میں شکست ہوئی ہے اس سے ہر کارکن سبق لے اور کمیوں کو دور کرنے پر ابھی سے کام شروع کر دیا جائے تاکہ 2020 کے اسمبلی انتخابات میں اکثریت کے ساتھ جنتادل کی حکومت بنے
راشٹر یہ مگدھ انچارج و سابق مرکزی وزیر کانتی سنگھ نے کہا کہ 'ضلع گیا میں ابھی راشٹریہ جنتا دل کے چار ممبر اسمبلی ہیں۔ ہمارا ہدف اس بار ضلع کے دس اسمبلی میں جیت حاصل کرنے کی ہے۔
انہوں نے اس موقع پرریاستی حکومت کی تنقید کی اور کہا کہ 'صوبے نظم و نسق کی حالت خراب ہے۔ حکومت مجرموں کو روکنے میں کامیاب نہیں ہے'
