کورونا کے سبب شاپنگ مال بھی بند

کورونا وائرس نے زندگی کی رفتار پر روک لگا دی ہے، اسکول ،کالجز اور دیگر ادارے پہلے ہی سے 31 مارچ تک بند کر دیے گئے تھے لیکن اب انتظامیہ نے شاپنگ مالز، سنیما ہال بھی بند کرنے کے احکامات جاری دئیے ہیں تاکہ اس بیماری کو مزید پھیلنے سے روکا جا سکے۔

بھاگلپور میں کورونا وائرس کے مشتبہ کئی معاملے سامنے آئے ہیں لیکن ابھی تک کوئی مثبت معاملہ سامنے نہیں آیا ہے۔

لوگوں میں کورونا کے تئیں اتنا خوف ہے کہ جس طرف آپ چلے جائیں لوگ ماسک پہنے نظر آئیں گے حالانکہ ڈاکٹروں کا کہنا ہے کہ ماسک صرف انہیں کو استعمال کرنا چاہیے جنہیں کھانسی یا سردی ہو یا طب شعبے سے جڑے لوگ ہوں تاکہ ان کے کھانسنے اور چھینکنے سے فلو نہ پھیلے لیکن لوگوں میں بیداری کی کمی کی وجہ سے کورونا کی دہشت ہر طرف طاری ہوگئی ہے۔