ریاست بہار کا شہر گیا مسلسل تین دنوں سے ریاست کا سب سے زیادہ سرد شہر رہا ہے، اس سرد کا اندازہ ایسے لگایا جاسکت ہے کہ پیر کے روز گیا کا درجہ حرارت 2.4 ڈگری تھا۔
اس شدید سردی کے پیش نظر انتظامیہ نے باشندوں کو گھر سے ضروریات کے تحت ہی نکلنے کی اپیل کی ہے۔
گیا سردی کے ستم سے متاثر ہے، عام زندگی مفلوج ہوگئی ہے، 2.4 ڈگری درجہ حرارت پہنچنے سے انتظامیہ کے اعلیٰ حکام بھی سنجیدہ ہوگئے ہیں۔
واضح رہے کہ ضلع مجسٹریٹ نے رات میں شہر کے مختلف مقامات کاجائزہ لیا اور افسران کو کئی ضروری اقدامات کرنے کی ہدایات دی۔
شہر کی سڑکوں پر مکمل طریقے سے 'الاؤ' جلانے کے نظم کابھی جائزہ لیا اور ساتھ ہی سڑکوں کے کنارے رات بسر کرنے والوں کو رین بسیرا میں لاکر ٹھہرانے کو کہا ہے۔
نگرمیونسپل کارپوریشن کے کمشنر ساون کمار کو ہدایت دی گئی ہے کہ شہر میں ایک ٹیم بناکر رات میں گشت کرایا جائے اور جو شخص سڑکوں کے کنارے یا کہیں پرکھلے آسمان کے نیچے سویا ہوا نظر آئے تو انہیں رین بسیرا میں لاکر سولایا جائے۔
واضح رہے کہ رین بسیرا میں قیام کرنے پر فیس لی جاتی تاہم جو فیس دینے سے قاصر ہوں انہیں بھی ہرحال میں ٹھہرایاجائے۔
دوسری جانب شدیدسردی کے پیش نظر ضرورت مندوں کے تعاون کے لیے شہر کے لوگ بھی آگے آرہے ہیں، جگہ جگہ پر کمبل تقسیم کیے جارہے ہیں، الاؤ جلانے کابھی نظم کیا گیا ہے تاکہ ضرورت مند سردی سے محفوظ رہ سکیں۔
ضلع مجسٹریٹ ابھشیک کمار سنگھ نے بتایا کہ ضلع میں شدید سردی کودیکھتے ہوئے الاؤ جلانے کے نظم کے ساتھ ضرورت مندوں کے درمیان کمبل تقسیم کیا جارہا ہے۔
خیال رہے کہ سبھی سرکل افسر، سب ڈیویزنل افسر اور میونسپل کارپوریشن کو ہدایت دی گئی ہے کہ سردی سے بچنے کے انتظامات کرائے جائیں، اور عوام سے بھی درخواست کی گئی ہے کہ وہ گھروں سے نہ نکلیں۔
انتظامیہ نے کہا کہ بچوں اور بزرگوں کی صحت کا خیال رکھا جائے، انہوں نے ساتھ ہی شہریوں سے درخواست کی ہے کہ غریبوں اور ضرورت مندوں کی مدد کے لیے آگے آئیں، کم ازکم اپنے پرانے کپڑے ہی صحیح ضرورت مندوں تک پہنچائیں۔
