گرینڈ ٹرنک روڈ کی تعمیر صدیوں پہلے شیر شاہ نے کرائی۔ یہ سڑک شیر گھاٹی کے قریب سے گزرتی ہے۔ شیر گھاٹی کے قریب مورہر ندی پر اسی زمانے کا تعمیر کردہ ایک پل بھی موجود ہے۔
تقریباً 15 برس پہلے جی ٹی روڈ کو فور لین کرنے کے عمل میں این ایچ اے آئی نے مورہر ندی پر ایک پل تعمیر کیا۔ یہ پل چند برسوں میں ہی خستہ حال ہوگیا ہے۔
این ایچ ۔۲ کی حالت خستہ ہونے کی وجہ سے بڑی گاڑیاں پرانے پل سے گزرتی ہیں۔ اسی وجہ سے پرانے پل پر اکثر جام کی صورت حال پیدا ہوجاتی ہے۔ مقامی لوگ بھی مانتے ہیں صدیوں گزر جانے کے بعد بھی پرانے پل کی حالت قدرے بہتر ہے۔
تقریباً چار سو ستر برس پہلے شیر شاہ کے زمانے میں تعمیر کردہ اور نئے پل کے ستون میں واضح فرق نظر آرہا ہے۔ مقامی عوام متعدد بار این ایچ اے آئی کو پل کی خستہ حالی کے متعلق خط لکھ چکے ہیں لیکن ابھی تک اس پر کوئی کارروائی نہیں ہوئی ہے۔
