ریاست بہار کے درگاوتی بلاک کے سریاں موضع جو اتر پردیش اور بہار کی سرحد کرمناشا کے پاس واقع ہے، وہاں انجان شہید بابا کا سالانہ عرس کافی جوش وخروش و عقیدت کے ساتھ منایا گیا۔
اس موقع پر کثیر تعداد میں دونوں ریاست کے لوگوں نے حصہ لیا۔ پوری رات قوالیوں سے شرابور رہی۔
اس سے قبل صبح صادق حسب روایات قرآن خوانی کا اہتمام کیا گیا۔ بعد قرآن خوانی فاتحہ کا بھی اہتمام کیا گیا۔ دیر شام مزار مبارک پر پہلے چادر پوشی کی گٸی۔
اس کے بعد مین گیٹ عام لوگوں کی زیارت کے لیے کھولا گیا۔ گیٹ کھلنے کے ساتھ صبح صادق تک زیارت کرنے کا سلسلہ عقیدمندوں کے ذریعہ لگا رہا۔
ساتھ ہی ملک میں امن امان کے ساتھ ترقی و خوشحالی کی دعا کی گٸی۔ بعد نماز عشا شاندار قوالی کا اہتمام کیا گیا۔
جس میں اتر پردیش کے اعظم گڑھ باشندہ قوال تنویر وارثی اور کانپور کے قوال محبوب تاج کے بیچ بہترین مقابلہ ہوا۔ اس موقع پر ساوٹھ پنچایت کے مکھیا مقصود میاں، مین الدین شاہ، حیدر آزاد، چھٹٹو میاں، شمشیر اور حسن علی سرتاج موجود تھے۔
