ریاست بہار کے ضلع دربھنگہ کے بینی پور علاقہ کے سجھوار نامی گاؤں میں جمعہ کو گاؤں کے مکھیا اوگن جھا اپنے گاؤں اور علاقہ میں سڑک کی خستہ حالی کے سبب غیر معینہ مدت تک کے لئے بھوک ہڑتال پر بیٹھ گئے،مکھیا کا کہنا ہے کہ سڑک کی خستہ حالی سے گاؤں اور علاقہ کے لوگوں کو مشکلات کا سامنا کرنا پڑتا ہے،انتظامیہ سے بارہا اس جانب توجہ دینے کی اپیل کی گئی ہے، تاہم ابھی تک اس جانب توجہ نہیں دی گئی،جس کے خلاف وہ آج سے کئی سماجی کارکنان اور دانشوران کے ہمراہ غیر معینہ مدت تک لئے بھوک ہڑتال پربیٹھے ہیں۔بھوک ہڑتا پر بیٹھنے والے مقام پر ایک میٹنگ بھی کی گئی۔
Indefinite Hunger Strike for Road Construction in Darbhanga
پروگرام کے کوآرڈینیٹر سنجیو کمار جھا نے خطاب کرتے ہوئے کہا کہ مذکورہ علاقہ کی سڑک بینی پور،منی گا چھی،دو بلاک ہیڈ کوارٹر، دو سب ڈویژن،دو اسمبلی،دو سدھ پیٹھ۔ نوادا بھگوتی سمیت متعدد علاقوں کو جوڑتی ہیں، اس اٹھارہ کلومیٹر طویل سڑک کی تعمیر کا سنگ بنیاد اس وقت کے ایم ایل اے سنیل چودھری نے 21 ستمبر 2020 کو رکھا تھا، تاہم ابھی تک تعمیر مکمل نہیں ہوئی ہے۔
انہوں نے کہا کہ 27 ستمبر 2021 اور 18 مئی 2022 کو ایگزیکٹیو انجینئر کے دفتر پر دھرنا بھی دیا گیا لیکن اب تک سڑک کی تعمیر کا کام نہیں ہو سکا۔ یقین دہانی کے باوجود سڑک کی تعمیر نہیں کرنا انتہائی افسوسناک بات ہے۔
اس موقع پر مکھیا چندن کمار جھا نے کہا کہ جب تک انتظامیہ کی جانب سے سڑک کی تعمیر کی سمت میں ٹھوس اقدام نہیں اٹھائے جائینگے اس وقت تک ان کی بھوک ہڑتال جاری رہے، انہوں نے مزید کہا کہ سڑک پر چلنا بہت مشکل ہے،سڑک کی تعمیر کے مطالبے کو لے کر جب بھی ضرورت پڑے گی دربھنگہ سے لے کر پٹنہ تک احتجاج کیا جائیگا۔
مزید پڑھیں:سڑک تعمیر نہ ہونے سے عوام ناراض، بارش سے قبل سڑک تعمیر کا مطالبہ
اجلاس سے ببلو جھا،پروفیسر رمن کمار،سنجیو نشاد،بم بم جھا، راگھو کمار جھا،یوگیندر یادو،مراری شامل ہیں۔ اس موقع پر مشرا،دھرو سوامی،ڈپٹی چیف نونو پرساد مہتو سماجی کارکن بی پی سنگھ،اندر بھوشن جھا پپو سینئر ایڈوکیٹ امریش کمار جھا اور کئی دیگر معززین موجود تھے۔
