علی اشرف فاطمی نے پرچہ نامزدگی واپس لیا

سابق مرکزی وزیر علی اشرف فاطمی نے مدھوبنی لوک سبھا سیٹ سے آج اپنی نامزدگی واپس لینے کے بعد کہا کہ بی جے پی کو شکست دیناہی ان کی اولین ترجیح ہے ۔ اسی لئے انہوں نے نامزدگی کا پرچہ واپس لے لیا ہے۔

انہوں نے کہا کہ ڈاکٹر شکیل احمد اس سیٹ سے دو بار ایم پی رہ چکے ہیں اور ان کی علاقے میں اچھی پکڑ ہے ۔ انہوں نے کہا کہ اگر وہ مدھوبنی سیٹ سے لڑتے تو انہیں اچھا ووٹ بھی ملتا لیکن بی جے پی کو ہرانے میں مشکل ہوتی ۔

فاطمی نے کہا کہ معروف عالم دین ولی رحمانی سے صلاح ومشورہ کے بعداپنے حامیوں اور یہاں کے لوگوں کے جذبات کی قدر کرتے ہوئے نامزدگی واپس لی ہے۔