ریاست بہار کے ضلع کیمور میں لاک ڈاٶن کے دوران شراب اسمگلنگ کامعاملہ رکنے کا نام نہیں لے رہا ہے۔ وہیں درگاٶتی پولیس نے درگاٶتی سے کھجورا جا رہے شراب اسمگلروں کو انٹری مافیا کے ساتھ گرفتار کیا۔
یہ واقعہ این ایچ 2 شاہراہ کا ہے، جہاں غیر قانونی شراب کی ایک بڑی کھیپ انٹری مافیا کی مدد سے لائی جا رہی تھی۔اس دوران خفیہ اطلاع کی بنیاد پر تھانہ درگاوتی نے 12 اسمگلروں کو موقع پرگرفتار کیا۔
ساتھ ہی ان کے پاس سے دو بائک اور دس کارٹن غیر قانونی انگریزی شراب برآمد کیا گیا ہے۔ اس سلسلے میں ایس پی دلنواز احمد نے بتایا کہ پولیس کو خفیہ اطلاع ملی تھی کہ یہ لوگ موٹرسائیکل پر درگاوتی سے کھجورہ جارہے ہیں۔
اسی تسلسل میں پولیس پہلے ہی گہری نظر رکھی ہوئی تھی۔ انہوں نے مزید بتایا کی گرفتار شراب تسکروں پر پہلے ہی سے ضلع کے مختلف تھانوں میں مختلف مجرموں کے خلاف 10 سے زائد مقدمات درج ہیں۔
