شراب برآمد، اسمگلر گرفتار

بہار کے ضلع دربھنگہ کے جالے تھانہ علاقہ کے لتراہا گاﺅں سے پولیس نے ایک ٹرک سے 280 کارٹن انگریزی شراب برآمد کر کے اسمگلر کو گرفتار کرلیا ہے۔

پولیس ذرائع نے یہاں بتایا کہ خفیہ اطلاع کی بنیاد پر کل دیر رات لتراہا گاﺅں میں سڑک کنارے کھڑی اترپردیش نمبر کے ایک ٹرک کی تلاشی لی گئی۔ اس دوران میں ٹرک سے 280 کارٹن انگریزی شراب برآمد کی گئی ہے۔ اس کاروائی میں اسمگلر للت نائک کو گرفتار کیا گیا ہے۔
ذرائع نے بتایا کہ حالانکہ ٹرک ڈرائیور خلاصی اندھیرے کا فائدہ اٹھا کر بھاگنے میں کامیاب رہا۔ گرفتار اسمگلر للت جالے تھانہ علاقہ کے ڈوگرا گاﺅں کا رہنے والا ہے۔