رانچی سے رکن اسمبلی بھولا یادو نے بھی مسٹر عبد الغفور کے انتقال پر گہری تعزیت کا اظہار کیا اور بتایا کہ جب یہ افسوسناک خبر آرجے ڈی سپریمو لالو پرساد یادو کو دی گئی تو وہ انتہائی رنجیدہ ہوگئے اور کہاکہ عبد الغفور ہمارے سکھ دکھ کے ہمیشہ ساتھی رہے ۔ اللہ تعالیٰ انہیں جنت الفردوس میں جگہ عطا کرے اور اہل خانہ کو مصیبت کی اس گھڑی میں صبر جمیل عطا کرے ۔
بہار کی سابق وزیراعلیٰ رابڑی دیوی نے مسٹر عبد الغفور کے انتقال پر گہری تعزیت کا اظہار کرتے ہوئے کہاکہ وہ آرجے ڈی اور سماجی انصاف کے مضبوط ستون تھے ۔ وہ حساس سماجی ، سیاسی کارکن اور لیڈر تھے۔ ان کے انتقال سے پورا آرجے ڈی کنبہ غمزدہ ہے ۔ اللہ ان کی روح کوتسکین عطا فرمائے اور انہیں جنت الفردو س میں جگہ عطا کرے ۔
