ریاست بہار کے کیمور ضلع سے ایک افسوسناک خبر سامنے آئی ہے۔ ضلع کے چین پور کے بیور موضع کے رہائشی جو جھارکھنڈ میں آر ای او محکمہ میں ملازم تھے، سڑک حادثہ میں موت ہوگئی، وہیں دیگر دو لوگ بری طرح زخمی ہو گئے، جنہیں تشویشناک حالت میں بنارس ریفر کر دیا گیا۔
جانکاری کے مطابق ضلع کے چین پور بلاک کے بیور موضع رہائشی تبریز خان اپنے دو لوگوں کے ساتھ ایک موٹر ساٸیکل پر سوار ہو کر درگاٶتی ککریت شاہراہ سے اتر پردیش کے غازی پور سے لوٹ رہے تھے۔ اسی دوران اچانک کافی تیزی سے آ رہے اوور لوڈ ٹریکٹر نے ان کو اپنے چپیٹ میں لے لیا۔
اس حادثہ میں تبریز خان کی موت ہوگئی اور دو لوگ بری طرح زخمی ہو گئے۔ زخمیوں میں عابد خان موضع بیور اور اسراٸیل خان کلیان پور کے رہاٸشی بتائے گئے ہیں۔
