محکمہ صحت کی جانب سے جمعرات کو دوپہر جاری بدھ کو دیر رات کی جانچ رپورٹ میں کوروناوائرس انفیکشن کے سب سے زیادہ 12، 12 معاملے ویشالی اور پورنیہ ضلع میں پائے گئے ہیں۔
وہیں نوادہ میں آٹھ اور گوپال گنج، سپول، رہتاس اور جہان آباد میں سات، سات لوگ پازیٹیو ہوئے ہیں۔
اسی طرح پٹنہ اور سہرسہ میں چار، چار، گیا، بیگو سرائے اور بھاگلپور میں تین، تین، نالندہ، سمستی پور، ارول، دربھنگہ اور جموئی میں دو، دو اور مظفر پور، مشرقی چمپارن، اورنگ آباد، کیمور، لکھی سرائے اور سیتامڑھی میں ایک، ایک سمیت کل 94 لوگوں کے کورونا انفیکشن کا شکار ہونے کی تصدیق ہوئی ہے۔
واضح رہے کہ ان میں 14 خواتین بھی شامل ہیں، اس طرح 94 پازیٹیو ملنے سے بہار میں کل متاثرین کی تعداد بڑھ کر 4420 ہوگئی ہے ۔
محکمہ نے بتایا کہ متاثرین میں سے زیادہ تر دوسری ریاستوں سے آئے ہوئے لوگ ہیں جنہیں سکریننگ کے بعد بلاک سطحی قرنطینہ سینٹر میں رکھا گیا ہے اور یہیں سے ان کے سیمپل کو جانچ کے لیے بھیجا گیا تھا، تاہم متاثرین کے رابطے میں آئے لوگوں کو الگ کر دیا گیا ہے۔
