تین جے سی بی مشین نذر آتش

ریاست بہار کے ضلع گیا کے بارہ چٹی علاقے میں جمعرات کے روز علی الصبح نکسلیوں نے سڑک کی تعمیر میں لگے تین جے سی بی اور ایک ٹریکٹر کو نذر آتش کردیا۔

گیا کے متعدد علاقے نکسل متاثر ہیں۔ ان میں بارہ چٹی بھی شامل ہے۔ آج علی الصبح نکسلیوں نے بارہ چٹی کے جئے گیرکے قریب سڑک کی تعمیر میں لگے تین جے سی بی اور ایک ٹریکٹر کو کیروسین تیل چھڑک کر آگ لگا دیا۔ نکسلیوں کے اس حملے میں کسی جانی نقصان کی کوئی خبر نہیں ہے۔

تقریباً تین درجن نکسلیوں نے حملہ کرتے ہوئے یہ کاروائی انجام دی۔ خبروں کے مطابق کمپنی کے ذریعہ ڈیمانڈ کی رقم نہیں ادا کیے جانے کی وجہ سے نکسلیوں نے اس کاروائی کو انجام دیا۔

نکسلیوں کی اس کارروائی سے بارہ چٹی کے جئے گیر میں خوف کا ماحول ہے۔