درخواست لینے کی تاریخ مقرر کرنے کے بعد جب محکمہ تعلیم نے جائزہ لیا تو معلوم ہوا ریاست کے کئی اضلاع میں روسٹر شائع ہی نہیں ہوا تھا، اس وجہ سے محکمہ نے درخواست جمع کرنے کی نئی تاریخ کا اعلان کیا۔
نئی تاریخ کے مطابق پرائمری اساتذہ کے عہدے کے لئے بلاک، پنچایت اور نگر اکائی میں 10 اکتوبر سے لیکر 9 نومبر تک درخواست جمع کرنے کی تاریخ متعین کی گئی.
اگر سابقہ تاریخ کے حساب سے ہی دیکھا جائے تو ارریہ ضلع کا محکمہ تعلیم نے ایک مہینے بعد بھی روسٹر جاری کیا ہے اور نہ ضلع میں کس بلاک یا پنچایت میں کتنی آسامیاں خالی ہے اس کی فہرست جاری کی ہے۔ اس وجہ سے امیدوار ضلع کے تعلیمی دفتر کا چکر لگا لگا کر پریشان ہے۔ حالانکہ ضلع کلکٹر نے بھی روسٹر جاری کرنے کو لیکر سخت ہدایت دی تھی باوجود اس کے روسٹر اب تک جاری نہیں ہو سکا ہے۔
بتایا جاتا ہے ضلع محکمہ تعلیم کے دفتر میں روسٹر بنانے کا کام کسی کو آتا ہی نہیں ہے اس لیے دوسرے دفتر سے کچھ جانکاروں کی مدد لی جا رہی ہے. اس بابت آج ضلع کے کئی امیدواروں نے ضلع تعلیمی آفیسر اشوک کمار مشرا سے ملاقات کی اور اب تک روسٹر شائع نہ ہونے پر ناراضگی ظاہر کی
ضلع تعلیمی آفیسر اشوک کمار مشرا نے ای ٹی وی بھارت کو بتایا کہ ایک دو دنوں میں روسٹر کا کام ختم ہو جائے گا جس کے لئے کام مسلسل جاری ہے، امیدواروں کی پریشانی کو دیکھتے ہوئے ہم لوگ اتوار کو بھی کام کر رہے ہیں۔
وہیں دوسری جانب ڈی ای او سے ملاقات کرنے پہنچے امیدوار امیدوار ظفر عالم کہتے ہیں کہ ہم لوگ دفتر کا چکر لگاتے لگاتے پریشان ہو گئے ہیں، دو مہینے بعد بھی روسٹر کا پتہ نہیں جس وجہ سے ہم لوگ اہلیت رکھتے ہوئے درخواست نہیں دے پا رہے ہیں. ضلع میں تقریباً پانچ سے چھ سو امیدوار پریشان حال ہے مگر محکمہ تعلیم کوئی توجہ نہیں دے رہا۔
