آئندہ سال 2022 کے مارچ میں اردو صحافت کے دو سو سال مکمل ہو رہے ہیں۔ اسی تعلق سے بہار اور جھارکھنڈ کے اردو صحافیوں کا پٹنہ میں ایک اجلاس منعقد کیا گیا، جس میں کئی اہم فیصلے لیے گئے۔
اردو صحافت کی دو سو سالہ خدمات کی میعاد آئندہ سال2022 میں مکمل ہونے والی ہے۔ اسی کے پیش نظر دارالحکومت پٹنہ میں اُردو صحافیوں کی خصوصی نشست کا اہتمام کیا گیا جس میں بہار اور جھارکھنڈ کے کئی صحافیوں نے شرکت کی۔ اس تقریب میں شامل صحافیوں نے اُردو کو درپیش مسائل پر سیر حاصل گفتگو کی۔ نقیب کے مدیر ثناء الھدیٰ قاسمی کو مشاورتی کمیٹی کا سرپرست مقرر کیا گیا۔
اجلاس میں مشورہ کے بعد کمیٹی نے یہ طے کیا ہے کہ آئندہ سال 2022 کے مارچ میں تین روزہ تقریبات بنام جشنِ اردو دھوم دھام سے منائی جائے گی۔ اس سے قبل ریاست کے مختلف علاقوں میں اُردو صحافت سے متعلق تقریبات منعقد کرتے ہوئے لوگوں میں شعور بیداری کے ساتھ ساتھ اردو کے تعلق سے تحریک پیدا کی جائے گی۔
