بہار کے ضلع گیا میں بینکوں کی ہڑتال سولہ دسمبر سے شروع ہوکر سترہ دسمبر تک جاری رہے گی۔ اس کو لیکر ہڑتال سے قبل شام کو بینک یونین کی ایک اہم نشست منعقد ہوئی جس میں ضلع گیا کے تمام بینکوں کے ملازمین موجود تھے۔
بتایا گیا ہے کہ چونکہ سولہ اور سترہ دسمبر کو بینک ہڑتال رہیں گے جبکہ 18 اور 19 دسمبر یعنی سنیچر اور اتوار کو سرکاری تعطیل ہوگی۔ ایسے میں کل چار دنوں تک بینک بند رہیں گے۔
بہار بینک ایمپلائز ایسوسی ایشن کے ڈپٹی جنرل سیکریٹری سنیل کمار کا کہنا ہے کہ مرکزی حکومت پبلک سیکٹر کے بینکوں کو پرائیویٹ کمپنیوں کے ہاتھوں میں دینے کے لیے " بینکنگ لاز ترمیمی بلBanking Laws(Amendment)Bill 2021 رواں پارلیمنٹ اجلاس میں پاس کرنا چاہتی ہے جس سے نجکاری کی راہ ہموار ہو گی۔ انہوں نے کہا کہ تمام یونین حکومت کے اس فیصلے کے خلاف ہیں۔
مزید پڑھیں: بینک ہڑتال سے عوام کو شدید مشکلات کا سامنا
واضح رہے کہ ضلع گیا میں کل پانچ مقامات کو نشان زد کرکے احتجاج کیا جائے گا اور یہاں حکومت کے خلاف مظاہرے کے ساتھ عوام کے درمیان پرچہ بھی تقسیم کیا جائے گا۔
