بہار میں کورونا انفیکشن کی وجہ سے ہلاکتوں کی تعداد کتنی ہے؟ تو سب کا جواب 5458 تھا، لیکن بدھ کے روز اچانک یہ 9429 ہو گئی۔ ایسی صورتحال میں ہر ایک کے ذہن میں صرف ایک سوال یہ پیدا ہورہا ہے کہ اچانک تعداد میں 3951 کا اضافہ کیسے ہوگیا؟
اپریل سے ہلاکتوں کی تعداد میں تقریباً چھ گنا اضافہ
محکمہ صحت کے مطابق بہار میں کورونا وائرس کے انفیکشن سے بدھ تک مرنے والوں کی 5478 کی تعداد کے علاوہ تصدیق کے بعد 3951 دیگر لوگوں کی موت کی یہ تعداد جوڑ دی گئی ہیں۔ محکمہ کے ذریعے جاری کردہ اعداد و شمار میں حالانکہ یہ واضح نہیں کیا گیا کہ یہ اضافی اموات کب ہوئی ہیں لیکن ریاست کے تمام 38 اضلاع کا بریک اپ تذکرہ کیا گیا ہے۔
اگر تازہ ترین اعداد و شمار پر غور کریں تو کورونا وائرس کی دوسری لہر میں جان گنوانے والوں کی تعداد 8000 کے قریب ہے۔ یہی نہیں اپریل سے اموات کی تعداد میں تقریباً چھ گنا اضافہ ہوا ہے۔
کورونا سے پٹنہ میں کل 2303 اموات
تازہ ترین اعداد وشمار کے مطابق صرف دارالحکومت پٹنہ میں مجموعی طور پر 2303 اموات ہوئیں۔ وہیں ضلع مظفر پور 609 اموات کے ساتھ دوسرے نمبر پر ہے۔ تصدیق کے بعد پٹنہ میں سب سے زیادہ 1070 اضافی اموات شامل کی گئی ہیں۔ اس کے بعد بیگو سرائے میں 316، مظفر پور میں 314 اور سی ایم نتیش کمار کے آبائی ضلع نالندہ میں 222 اضافی اموات شامل کی گئیں۔
محکمہ صحت کے پرنسپل سیکریٹری پرتیی امرت کے مطابق، 'ضلعی سطح پر ایک کمیٹی تشکیل دی گئی تھی اور پنچایتوں سے بھی رپورٹ طلب کی گئی تھی۔ تمام مقامات سے معلومات حاصل کرنے کے بعد، ہلاکتوں کی تعداد میں 3951 افراد کا اضافہ ہوا ہے۔
بہار میں سرکاری ریکارڈ کے مطابق 10000 کی موت ہو چکی ہے۔ بلیک فنگس سے بھی بہار میں اب تک 55 اموات رجسٹرڈ کی جا چکی ہے۔ کل 98 متاثرہ افراد صحت مند ہوچکے ہیں اور فی الحال 368 متاثرہ مریض زیر علاج ہیں۔
سرکاری اعداد پر ایک نظر
بدھ کے روز ریاست میں 589 کورونا متاثر ملے، 20 افراد ہلاک، 55 مریض پٹنہ میں پائے گئے۔
کورونا کی وجہ سے اموات کی تعداد میں اضافہ - 3951
بدھ کے روز صحت یاب ہوئے مریض۔ 1114
بدھ کے روز کورونا جانچ۔ 100196
اب تک کل صحت یاب۔ 698397
ایکٹیو مریضوں کی تعداد- 7353
ریکوری ریٹ۔ 97.65 فیصد
اب تک کل متاثر۔ 715189
اب تک کل اموات۔ 9431
اب تک کل جانچ۔ 30876628
مزید پڑھیں:
coronavirus update: ایک دن میں ریکارڈ اموات، کیسز میں کمی
بہار میں کورونا سے ہلاکتوں کی تعداد کو لیکر اپوزیشن سے لیکر عام عوام تک تذبذب میں ہیں، لیکن محکمہ اس کو قبول کرنے کے لئے تیار نہیں ہے۔ سخت تنقید کے بعد اب محکمہ کے افسران اچانک سامنے آئے اور وضاحت دیتے ہوئے یہ کہہ کر نکل گئے کہ اموات کی تعداد 10 ہزار کے قریب ہے۔
