جانکاری کے مطابق پہلا حادثہ ھاٹا۔مرہ شاہراہ پر ایف سی آئی گودام کے قریب پیش آیا۔ ایک ٹریکٹر ڈرائیور نے سائیکل سوار کو کچل دیا، جس کی وجہ سے سائیکل سوار موقع پر ہی دم توڑ گیا۔
پولیس نے موقع پر پہنچ کر لاش کو اپنے قبضہ میں کر لیا اور پوسٹ مارٹم کے لیے بھبھوا صدر اسپتال بھیج دیا۔ جب کہ دوسرے حادثہ درگاوتی، کش ہریاں ندی پر بنے پل پر رونما ہوا۔
پل پر ہی ایک ایمبولینس اور ٹرک آپس میں ٹکرا گئے، جس میں ایمبولینس میں سوار نو افراد شدید زخمی ہوگئے۔ بتایا جاتا ہےکہ اچانک چاولوں سے بھرا ٹرک بے قابو ہوکر ریلنگ توڑتے ہوئے نیچےچلا گیا۔
ٹرک ندی میں الٹ جانے سے ٹرک کا اگلا حصہ مکمل طور پر برباد ہوگیا۔ موقع سے ٹرک ڈرائیور اور خلاسی موقع سے چھلانگ لگا کر فرار ہوگئے۔
بتایا جاتا ہے کہ یہ واقعہ رات دس بجے کے قریب پیش آیا ہے۔ واقعے کے بعد چیخوں کی آواز سن کر مقامی مکھیا عوامی نمائندوں سمیت دیگر افراد موقع پرپہنچ گئے اور جلدی میں ایمبولینس میں سوار تمام زخمیوں کو درگاوتی کے ابتدائی صحت مرکز لایا گیا، جہاں ڈاکٹروں نے انہیں ابتدائی طبی امداد فراہم کی اور بہتر علاج کے لیے بنارس ريفر کر دیا۔
مزید پڑھیں:
گیا: مویشی کو بچانے کے دوران تین نوجوانوں کی موت
زخمیوں میں دو خواتین ، بچوں سمیت کل نئے افراد ایمبولینس میں تھے۔ بتایا گیا ہے کہ تمام زخمی ضلع کیمور کے رہائشی ہیں جبکہ ایمبولینس کا ڈرائیور اترپردیش کے سون بھدرا ضلع کا رہنے والا ہے۔
