شمالی کشمیر کے ضلع بارہمولہ کے سوپور قصبہ میں جموں کشمیر پولیس نے دو پولیس اہلکاروں کو معطل کر دیا ہے۔
ذرائع کے مطابق آج سے ایک ہفتہ قبل سوپور کے ایک مقامی نوجوان کی پولیس حراست میں موت واقع ہوئی اور اس کے باعث سوپور میں کافی احتجاج ہوا۔
اس سلسلے میں ڈسٹرکٹ مجسٹریٹ بارہمولہ نے ایک ٹیم کو تشکیل دے کر معاملے کی جانچ سونپی اور اس کی رپورٹ بیس دن کے اندر پیش کرنے کو کہا۔
ذرائع کے مطابق جن دو پولیس کے اہلکاروں نے اس مہلوک کو گھر سے اٹھا کر پولیس کسٹڈی میں لایا ان کو ہی معطل کیا گیا ہے تاہم پولیس نے اس بات کی تصدیق نہیں کی ہے۔
