محکمہ موسمیات کی پیش گوئی کے عین مطابق جمعہ اور ہفتہ کی درمیانی شب وادی کشمیر میں موسم نے کروٹ بدلی۔ وادی کے مختلف بالائی علاقوں کے ساتھ ساتھ مشہور سیاحتی مقام گلمرگ میں بھی موسم کی پہلی برفباری ہوئی۔
مشہور سیاحتی مقام گلمرگ میں موسم کی پہلی برفباری
گلمرگ میں اپھروَٹ پہاڑوں سمیت دیگر چراگاہوں میں بھی ہلکی برفباری ہوئی جبکہ ٹنگمرگ کے گرد ونواح میں تیز ہواؤں کے ساتھ بارشیں ہوئیں، موسمی تبدیلی کی وجہ سے درجہ حرارت میں گراوٹ درج کی گئی۔
محکمہ موسمیات نے ہفتہ کو بھی ہلکی بارشوں اور برفباری کی پیش گوئی کی ہے۔
مزید پڑھیں؛ وادی میں برفباری اور بارش شروع، مغل روڈ بند
دریں اثناء جنوبی کشمیر کے شوپیاں ضلع کو صوبہ جموں کے پونچھ اور راجوری اضلاع سے جوڑنے والی متبادل شاہراہ - مغل روڈ پر تازہ برفباری اور بارشوں کی وجہ سے شاہراہ کو ٹریفک کی آمد رفت کے لئے بند کردیا گیا ہے۔
