نو برس بعد بھی پبلک پارک کی تعمیر نامکمل

پبلک پارک کی تعمیر تقریباً 9 برس سے جاری ہے لیکن ابھی تک اس کا کام کمل نہیں ہو سکا ہے جس کی وجہ سے مقامی لوگوں میں حکومت کے تئیں زبردست ناراضگی ہے۔

شمالی کشمیر کے ضلع بارہمولہ کے سوپور قصبہ کے نگلی علاقے میں پبلک پارک حکومت کی عدم توجہی کا شکار ہے۔

ای ٹی وی بھارت سے بات کرتے ہوئے مقامی لوگوں کا کہنا ہے کہ 'حکومت نے نو برس قبل اس پارک کے لیے کام شروع کیا تھا لیکن پارک کا تعمیری کام ابھی تک مکمل نہیں ہوسکا ہے اور جو بھی عمارت بنی ہے وہ بھی کافی خستہ حال ہے۔'

لوگوں کا الزام ہے کہ 'لاکھوں روپے خرچ کر کے کام کو ادھورا چھوڑ دیا گیا ہے۔'

ان کا کہنا تھا کہ 'سوپور میں پبلک پارک نام کی کوئی بھی چیز نہیں ہے۔'

مقامی لوگوں نے حکومت اور ضلع انتظامیہ سے گزارش کی کہ اس خستہ حال پبلک پارک کو بہتر کرنے کا کام نئے سرے سے شروع کیا جائے۔

لوگوں نے گورنر انظامیہ سے مطالبہ کیا کہ وہ اس پبلک پارک کا کام جلد از جلد شروع کرے تاکہ پارک کو مزید نقصان سے بچایا جاسکے۔