جموں وکشمیر میں ضلع بارہمولہ کے سوپور قصبہ کے گلاآباد کے لوگوں نے انتظامیہ اور محکمہ آر اینڈ بی کے خلاف ناراضگی کا اظہار کیاہے۔ لوگوں کا الزام ہے کہ محکمہ آر اینڈ بی نے ڈرینیج سسٹم کا کام ادھورا چھوڑ دیا اور علاقے کی اندرونی سڑکوں پر صحیح مواد کا استعمال نہیں کیا گیا، جس کی وجہ سے سڑک کافی خستہ حال ہے اور جگہ جگہ پر کیچڑ اور پانی جمع ہو گیا ہے۔
لوگوں کا کہنا ہے 'ان کو چلنے پھرنے میں کافی دشواریوں کا سامنا کرنا پڑتا ہے کیونکہ پھسلن کی وجہ سے حادثہ ہونے کا اندیشہ ہے'۔
انہوں نے محکمہ آر اینڈ بی پر الزام عائد کیاکہ 'سڑک پر باجری کے بدلے مٹی کا استعمال کیا گیا جس کی وجہ سے سڑک خستہ حال ہے'۔
یہ بھی پڑھیے
'پی ڈی پی - بی جے پی اتحاد میں آپ کس گینگ کا حصہ تھے؟'
لوگوں نے مزید کہا کہ انہوں نے محکمہ آر اینڈ بی کے افسران سے کافی بار التجا کی لیکن کسی نے نہیں سنی۔
اس ضمن میں ای ٹی وی بھارت نے ایگزیکٹو انجینئر آر اینڈ بی سوپور سے بات کرنے کی کوشش کی لیکن ان کی غیرموجودگی کی وجہ سے ان سے رابطہ نہیں ہو پایا۔
