جموں و کشمیر پولیس نے عسکری تنظیم البدر سے وابستہ ایک عسکریت پسند سمیت دو معاونین کو گرفتار کیا ہے جو پولیس کے مطابق پولیس چوکی وارپورہ، سوپور پر گرینیڈ حملے میں ملوث تھے۔
پولیس ذرائع کے مطابق عسکریت پسند کی شناخت بنپورہ، ڈانگر پورہ سے تعلق رکھنے والے اشفاق احمد پنڈت کے طور پر ہوئی ہے۔ جبکہ دیگر دو عسکری معاونین کی شناخت عبدالمجید ڈار اور مبشر احمد ڈار بتائی گئی ہے اور دونوں ڈانگر پورہ، سوپور کے رہنے والے ہیں۔
اس سلسلے میں سوپور پولیس نے تینوں افراد کے خلاف مقدمہ درج کرکے مزید تحقیقات شروع کر دی ہے۔
