رفیع آباد میں بادل پھٹنے سے ایک ہی کنبے کے پانچ افراد فوت

جموں و کشمیر کے شمالی ضلع بارہمولہ کے رفیع آباد میں علی الصبح بادل پھٹنے سے ایک ہی کنبے کے پانچ افراد کی موت ہوگئی ہے، ایک نعش برآمد کرلی گئی جبکہ دیگر کی تلاش جاری ہے۔

بارہمولہ ضلع کے رفیع آباد کے پہاڑی علاقہ میں بادل پھٹنے سے ایک ہی کنبے کے پانچ افراد کی موت ہوگئی، جن میں سے ایک کی نعش برآمد کر لی گئی ہے جبکہ مزید چار لوگوں کی تلاش جاری ہے۔ دردناک حادثہ کے بعد پورے علاقے میں ماتم چھایا ہے۔

شمالی کشمیر کے ضلع بارہمولہ کے رفیع آباد کے علاقہ میں اس وقت ایک بکروال خاندان پر قیامت ٹوٹ پڑی جب بادل پھٹنے سے ایک ہی کنبے کے پانچ افراد زمین تلے دب گئے اور زندگی سے ہاتھ دھو بیٹھے۔

five-members-of-the-same-family-die-in-a-cloudburst-in-rafiabad

واقع کی اطلاع جیسے ہی علاقے میں پھیلی تو بڑی تعداد میں لوگ جمع ہوگئے۔ موقع پر پہنچی پولیس اور فوج نے جائے مقام پر نعشوں کی بڑے پیمانے پر تلاش شروع کی۔

پولیس نے دردناک واقع کی تصدیق کرتے ہوئے بتایا کہ راجوری ضلع سے تعلق رکھنے والے گجر بکروال کا ایک کنبہ رفیع آباد کے ایک دور دراز پہاڑی علاقہ میں اپنی زندگی بسر کر رہا تھا۔ اچانک موسم کی خرابی کی وجہ سے علی الصبح بادل پھٹنے سے کنبے کے پانچ افراد زمین تلے دب گئے۔ جن میں سے ایک کی نعش برآمد کی گئی ہے اور مزید چار لوگوں کی تلاش جاری ہے۔