چیرہار میں طبی مرکز کی عدم موجودگی پر لوگ برہم

طبی مرکز نہ ہونے کی وجہ سے مقامی لوگوں کو سوپور سب ضلع اسپتال جانا پڑتا ہے جویہاں سے کم از کم بیس کلو میٹر دور ہے۔

شمالی کشمیر میں ضلع بارہمولہ کے سوپور قصبہ کے دور دراز گاؤں چیرہار کے لوگوں نے علاقہ میں طبی مرکز نہ ہونے پر انتظامیہ پر برہمی کا اظہار کیا ہے۔
ای ٹی وی بھارت سے بات کرتے ہوئے مقامی لوگوں نے بتایا کہ علاقے میں ہیلتھ سینٹر نہ ہونے کی وجہ سے مقامی آبادی کو دقتوں کا سامنا کرنا پڑ رہا ہے اور سب سے زیادہ مشکلات بزرگ اور حاملہ خواتین کو پیش آتی ہیں۔

انہوں نے کہا کہ اگر کبھی کوئی بیمار ہوتا ہے تو اس کو اسپتال پہنچانے میں دشواریوں کا سامنا کرنا پڑتا ہے کیونکہ بیمار کو 20 کلومیٹر دور علاج و معالجہ کے لئے پہنچانا پڑتا ہے۔مقامی لوگوں کے مطابق طبی مرکز نہ ہونے کی وجہ سے ان کو سوپور سب ضلع اسپتال جانا پڑتا ہے جو کم از کم بیس کلو میٹر دور ہے۔

انہوں نے کہا 'ہماری فریاد کوئی نہیں سنتا اور ایسا لگتا ہے جیسے ہم اس سماج کا حصہ ہے ہی نہیں ہیں۔'
انہوں نے حکومت سے اپیل کی ہے کہ وہ گاؤں میں جلد از جلد ایک ہیلتھ سینٹر قائم کریں تاکہ مقامی آبادی کو راحت میسر ہو۔