Special Lok Adalats organizes in Baramulla: بارہمولہ میں خصوصی لوک عدالتوں کا اہتمام

ڈسٹرکٹ لیگل سروسز اتھارٹی بارہمولہ نے تحصیل لیگل سروس کمیٹیوں کے اشتراک سے آج ضلع بھر میں خصوصی لوک عدالتوں Special Lok Adalats organizes in Baramulla کا انعقاد کیا۔ یہ عدالتیں پرنسپل ڈسٹرکٹ اینڈ سیشن جج بارہمولہ محمد یوسف وانی کی صدارت میں منعقد ہوئیں۔

ڈسٹرکٹ کورٹ بارہمولہ میں لوک عدالت کا افتتاح پرنسپل ڈسٹرکٹ اینڈ سیشن جج نے کیا جس میں مقدمات کی سماعت کے لیے 06 بنچ تشکیل دی گئی۔ ان بنچوں کی صدارت بالترتیب ڈی ایل ایس اے کے چیئرمین محمد یوسف وانی، پہلے ایڈیشنل ڈسٹرکٹ جج محمد اشرف خان، ایڈیشنل ڈسٹرکٹ جج او پی بگھت، سب جج منصور احمد لون، اسپیشل موبائل مجسٹریٹ سجاد الرحمان، سیکرٹری ڈی ایل ایس اے بارہمولہ میر صائم قیوم نے کی۔

واضح رہے کہ اس موقع پر ضلع بھر میں کل 14 بنچوں پر مشتمل لوک عدالت Special Lok Adalats organizes in Baramulla کا انعقاد کیا گیا۔ جس میں 2026 مختلف کیسز/معاملات کی سماعت کی گئی جن میں سے 1420 کیسز کو موقع پر ہی خوش اسلوبی سے حل کیا گیا۔ تصفیہ کی رقم کے طور پر 2.46 کروڑ روپے کی رقم بھی وصول کی گئی۔ کمپوزیشن، مینٹی نینس چارجز اور دیوانی مقدمات کی مد میں بھی رقم وصول کی گئی۔اس موقع پر خطاب کرتے ہوئے چیئرمین ڈی ایل ایس اے بارہمولہ نے کہاکہ اس طرح کی لوک عدالتوں کے انعقاد کا بنیادی مقصد بالخصوص معاشرے کے غریب اور کمزور طبقات کے لوگوں کی مدد کرنا ہے'۔

مزید یہ کہ سکریٹری ڈی ایل ایس اے بارہمولہ میر صائم قیوم نے کہاکہ اس طرح کی لوک عدالتوں کے انعقاد کا مقصد آئین کے مینڈیٹ کے مطابق ’انصاف سب کے لیے‘ کی دستیابی کو حقیقت بنانا ہے۔'