شمالی کشمیر کے ضلع بارہمولہ کے ڈپٹی کمشنر ڈاکٹر جی این ایتو کی ہدایت پر اے سی آر بارہمولہ، اے آر ٹی او اور ٹریفک پولیس نے احتیاطی تدابیر کی عمل آوری کے لئے بارہمولہ ۔سری نگر شاہراہ پر چیکنگ کی۔
ایس او پیز پر عمل آوری: بارہمولہ - سرینگر شاہراہ پر چکنگ
انتظامیہ کی طرف سے عائد پابندیوں کی خلاف ورزی پر 65 کے قریب ڈرائیورں کے خلاف کاروائی کی گئی جبکہ چار گاڑیوں کو ضبط کیا گیا۔
مسافروں کو سفر کے دوران ماسک اور ضروری ذاتی حفاظتی سامان کے استعمال کے بارے میں بھی حساس بنایا گیا۔ جبکہ انتظامیہ نے مسافروں اور ڈرائیورں میں مفت ماسکس بھی تقسیم کیے۔
اطلاعات کے مطابق سفر کرنے والوں میں کوئی سماجی دوری کا خیال نہیں رکھا جا رہا ہے جس کی وجہ سے ڈپٹی کمشنر بارہمولہ نے یہ کاروائی انجام دی۔
