شمالی کشمیر کے ضلع بارہ مولہ کے اوڑی سیکٹر میں دو علیحدہ مقامات پر سرحد پار سے پاکستانی فوج نے گولہ باری کی ہے جس میں کم از کم ایک شہری شدید زخمی ہوا۔
یہ شیلنگ لائن آف کنٹرول کے نزدیک واقع چرونڈہ اور تلاواری (حاجی پیر سیکٹر) میں ہوئی۔
گولہ باری کی وجہ سے چرونڈہ میں مقیم سات کنبے بحفاظت اوڑی منتقل کئے گئے ہیں۔
تلاواری میں بشیر احمد نامی 45 برس کے نوجوان شدید زخمی ہوا ہے اسے علاج کے لیے سری نگر کے صورہ میڈیکل انسٹی ٹیوٹ میں داخل کیا گیا۔
پاکستان کی جانب سے شروع کی گئی شدید گولہ باری کے نتیجے میں سرحدی علاقوں میں خوف کا ماحول ہے۔
واضح رہے کہ پاکستان لائین آف کنٹرول پر مسلسل گولہ باری کرتے ہوئے جنگ بندی کی خلاف ورزی کررہا ہے جس سے عوام کو کافی مشکلات کا سامنا کرنا پڑرہا ہے۔
